بعد الرجوع من أجازة العيد ومُحاولة التعامل مع أول تاسك مطلوبة مني
الأ وهي الوصول لفكرة لبيع كورس
Advanced Google Ads
عملت معظم المحاولات للوصول للفكرة.. رتبت المكتب تاني .. شربت نسكافيه،بعدت عن المكتب و وقفت في الهوا شوية، وبدأت أفكر في الـعُملاء اللي هكتب ليهم
وهما المُهمتين بـ جوجل و إعلاناته وبيسابقوا الزمان والمكان علشان يكونوا في نتايج البحث الأولى
ولحظي الحلو إني شغالة من البيت النهاردة سمعت من بلكونة جارتنا الجميلة صوت الست خارج من راديو قديم وهي بتقول بخاف عليك .. وبخاف تنساني
و لقيت أن هُنا المُشكلة اللي بيواجها أي حد شغال على جوجل ، بيخاف أن جوجل ينساه.. يبطّل يظهر الموقع بتاعه في نتايج البحث الأولى..و يخلي كٌل مقال في الـ مدفون جواه ومابيشوفش النور
وكعادة الست عادت الجملة تاني
فـ ركزت المرة دي مع بخاف عليك
الحل في الاهتمام.. الاهتمام قادر يصلح أي حاجة، لو اهتميت بـ جوجل وعرفت هو بيحب ايه مش هينساك.. لو عرفت كل النصايح للتعامل مع إعلانات جوجل هتوصل لكل أهدافك من خلال أي إعلان بتعملُه
وبتكمل الست .. بيني وبينك خطوتين
هما خطوتين للوصول للمستوى الـمُتقدم علشان تسيطر على إعلانات جوجل.. الخطوتين دول هنشاركهم معاكم في الكورس اللي هيبدأ يوم 8 أغسطس.
جوجل جميل ومستنيك تفهمه وتهتم بيه و مهما عملت عليه إعلانات مش أد كدة أو تجاهلت تعمل عليه إعلانات أصلًا بيقولك
لا طول بعدك يغيرني
ولا الأيام بتبعدني بعيد، بعيد، بعيد، بعيد عنك
_____________
كلم التيم واقولهم عايز أصالح جوجل و احجز مكانك في الكورس قبل العدد مايكتمل